Stambulda kontrabandashylar Antonıs van Deıktiń quny 14 mln dollarlyq kartınasymen ustaldy
ASTANA. QazAqparat - Stambul polıtsııasy kontrabandashylardy Antonıs van Deıktiń quny 14 mıllıon dollarlyq kartınasymen ustady.
Boljam boıynsha, kontrabandashylar - grýzın bıznesmenderi - Túrkııada satý úshin Grýzııadan ataqty flamand sýretshsiniń kartınasyn qupııa túrde alyp shyqqan. Tergeý nusqasy boıynsha, kartına Grýzııaǵa Reseıden ákelingen, Al Reseıden - Eýropaǵa.
Kartınany qaraǵan túrkııalyq ónertanýshylar onyń túpnusqa ekendigin málimdep otyr. Degenmen túpkilikti qorytyndy jasaý úshin ony sarapshylarǵa tapsyrmaq.
Aıta ketken jón, Antonıs van Deık - 17 ǵasyrdaǵy belgili sýretshi. Oyń kartınalary álemdegi iri mýzeılerge qoıylǵan.
Genýıada barokko rýhynda salǵan portretteri Deık shyǵarmalarynyń shyrqaý bıigi sanalady ("Kardınal G. Bentıvalo portreti", 1623 j.sh., Florentsııa). Ol munda Rýbens mektebi men Venetsııa kórkemóneriniń ozyq dástúrin sheberlikpen ushtastyryp, jańa tásil týdyrdy. "Madonna del Rozarıo" (1624, Palermo), "Egıpetke barar joldaǵy demalys" (1620, Mıýnhen), t.b. sýretteri - osynyń aıǵaǵy.
Van Deık - dinı taqyryptaǵy "Áýlıe Petrdi azaptaý" (1615 - 17 j.sh., Brıýssel), "ıÝpıter men Antıopa" (1617 - 18 j.sh., Berlın) atty shyǵarmalardyń avtory. Sýretshi 1627 j. Antverpenge qaıta oralyp, áıgili "Ikonografııasyn" jarııalady. 17-18 ǵasyrlardaǵy Eýropa kórkemónerine orasan zor yqpal etken Rýbens dástúrin jańartyp, ony ilgeri damytty.
Daryndy sýretshi nebári 42 jyl ǵana ómir súrdi.
