Stambýl turǵyndarynyń sany 14,8 mln adamnan asty
ASTANA. QazAqparat - Stambýl turǵyndarynyń sany 1927 jyly 806 myń 863 adam bolǵan, 2016 jyly bul kórsetkish 14 mln 804 myń 116-ǵa jetti, dep habarlaıdy «Anadolý».
Agenttiktiń Túrkııanyń statıstıka ınstıtýtyna silteme jasaı otyryp taratqan málimetterine qaraǵanda, Stambýl halqynyń sany ótken jyldyń sońyna taman Túrkııanyń jalpy halqynyń 18,5 protsentin (79 mln 814 myń 871 adam) quraǵan.
2011 jyly Stambýl turǵyndarynyń sany 13 mln 624 myń 240, al 2015 jyly 14 mln 657 myń 434 adamǵa jetken.
Túrkııanyń 100 jyldyǵy qarsańynda Stambýl halqynyń sany 16,5 mln-ǵa jetedi degen boljam bar.
TÜİK agenttiginiń boljamy boıynsha Stambýl turǵyndarynyń sany 2020 jyly 15 mln 850 myń 684 adamǵa, al 2023 jyly 16 mln 568 myń 500 adamǵa jetedi.
