Stambul polıtsııasy polıtseı ýchaskesine shabýyl jasaǵan eki áıeldi atyp óltirdi
ASTANA. QazAqparat - Túrik polıtseıleri Stambuldaǵy polıtseı ýchaskesine qaraı granatalar laqtyryp, oq atqan eki áıeldi atyp óltirdi.
Jergilikti BAQ-qa silteme jasap BBC habarlaǵandaı, shabýyldan keıin áıelder izderin sýytyp úlgerdi. Polıtsııa olardy izdep, Baırampasha aýdanyndaǵy ǵımarattan tapty.
Aldyn ala boljamdarǵa sáıkes, operatsııa barysynda osylardan basqa eshkim japa shekpedi.
Jaýapkershilikti esh top moınyna almady, alaıda buryn osyǵan uqsas shabýyldardy «Revolıýtsııalyq halyqtyq azat etý partııasy (front)» uıymdastyrǵan.
Ótken jyly qańtardyń basynda top Stambulda jarylǵysh zatyn iske qosqan áıelge qatysty qylmysty moınyna alǵan. Ol kezde tártip saqshysy qaza tapqan edi.
