Stambul ortalyǵynda bolǵan atystan bes adam zardap shekti
ASTANA. QazAqparat - Belgisiz bireý Stambul ortalyǵynda oq atyp, bes adamdy jaraqattady. Onyń ishinde bir sheteldik týrıst bar, dep habarlady jergilikti BAQ.
Oqıǵa qalanyń ortalyq kósheleriniń biri - Istıklıalda bolǵan. Polıtsııa málimetinshe, er adamdardyń eki toby arasynda janjal týyp, sońy qarý qoldanýǵa ulasqan. «Hıýrrıet» gazeti habarlaǵandaı, sheteldik týrıstiń aıaǵynan oq tıgen. Onyń qaı eldiń azamaty ekeni týraly aqparat ázirge joq. Japa shekkenderdiń barlyǵy aýrýhanaǵa jetkizildi. Polıtsııa oq atqan adamdy izdestirip jatyr.
