Stambýl qalasyndaǵy jarylystan 5 adam qaza taýyp, 36 adam jaralandy
ASTANA. QazAqparat - Stambýl qalasyndaǵy Istıklıal jaıaý júrginshiler kóshesinde jergilikti saǵat 12-00-de lańkes jankeshti jarylǵysh zatty iske qosyp, 5 adam qaza tapty, 36 adam jaralandy, dep habarlady «TASS» agenttigi.
Jaralanǵan 7 adamnyń jaǵdaıy óte aýyr. Japa shekkenderdiń arasynda 12 adam sheteldik. Olar: Germanııa, Izraıl, Iran eliniń azamattary.
Jarylys bolǵan kóshede shet el dıpmıssııalary ǵımarattary ornalasqan. Istıklıal kóshesi - Stambýl qalasynyń týrıstik oryndarynyń biri.
