Stambýl: Dárigerler prokýrordyń ómirin qutqara almady
ASTANA. QazAqparat - Dárigerler basyna 3 oq tıgen Ystambul Ádilet sotynyń prokýrory Mehmet Selım Kırazdyń ómirine arasha túse almady. Bes jerinen jaralanǵan prokýror aýrýhanada jan tapsyrdy, dep jazady 24.kz.
Esterińizge sala keteıik, búgin Halyqty azat etý revolıýtsııalyq partııasynyń músheleri Ystambul qalasynyń prokýrory Mehmet Kırazdy kepildikke alǵan bolatyn. Prokýror 2013 jyly jappaı tártipsizdik sharalary kezinde basyna jaraqat alyp, qaıtys bolǵan bozbala Berkın Elvannyń isi boıynsha tergeý jumystaryn júrgizgen.
Qylmyskerler jergilikti ýaqyt boıynsha 15:35-ke deıin Berkınniń ólimine kináli tártip saqshysy ustalyp, jaýapqa tartylmasa prokýrordy óltiremiz dep málimdegen edi.
