Stambul áýejaıynda Eýropa elderiniń 148 tólqujatynyń blankisi bar eki adam ustaldy
ASTANA. QazAqparat - Stambul áýejaıynda pıtstsa daıyndaýǵa paıdalanylatyn qural-jabdyqtardyń arasyna jasyryp, Eýropa elderiniń 148 tólqujatynyń blankisin alyp ótpek bolǵan eki adam ustaldy, dep habarlaıdy Associated Press.
Bul týraly túrik úkimetiniń ókili málim etken. Onyń aıtýynsha, qujattar shynaıy. Kópshiligi frantsýz pasporttary, aralarynda Germanııa, Ulybrıtanııa jáne Irlandııanyń da tólqujattary bar.
Ustalǵandardyń biri ata tegi túrik Belgııa azamaty, al ekinshisi Sırııa azamaty.
Qazirgi ýaqytta quqyq qorǵaý organdary bul tólqujattardyń kimge arnalǵandyqtaryn tekserip jatyr.
