«Stalıngrad» fılmi qytaılyq prokatta rekordtyq tabysqa ıe bolýda
ASTANA. 6 qarasha. QazAqparat - Fedor Bondarchýktiń «Stalıngrad» fılmi Qytaıda prokattyń alǵashqy tórt kúninde 8,3 mln. AQSh dollaryn jınady. Bul kórsetkish Qytaı nemese Gollıvýdta túsirilmegen fılm úshin qytaılyq prokatta eń tabysty bastaý bolyp otyr.
Atap aıtqanda, kartınanyń bıýdjeti 30 mln. dollardy quraǵan eken. Búginde ony júzege asyrǵandar úshin 55 mln. dollar jınalǵan kórinedi. Tek ótken demalystarda Reseıdegi kórsetilimder barysynda kassalyq jıyn 2,6 mln. dollarǵa ósken.
