Stalındik qýǵyn-súrgin kezinde 100 myńnan astam qazaqstandyq «ıtjekkenge» aıdaldy
ASTANA. 29 mamyr. QazAqparat - 1921-1954 jyldar aralyǵynda Qazaqstanda saıası sebepterge baılanysty 100 myńnan astam adam sottalyp, 25 myńnan astamy atyldy.
Bul týraly búgin Astanada ǵylymı-tájirıbelik konferentsııa barysynda QR Bilim jáne ǵylym mınıstrligi Memleket tarıhy ınstıtýty dırektorynyń birinshi orynbasary, tarıh ǵylymdarynyń doktory, professor Janna Qydyralına málim etti.
«Burynǵy KSRO kezinde 3 mln. 777 myń adam túrmege qamalǵan, onyń ishinde 642 myńy atý jazasyna kesilgen. Shamamen 1 mln. 750 myń adam, ıaǵnı qazaq halqynyń 42 paıyzy 1931-1932 jyldary bolǵan jappaı asharshylyq zulmatynda kóz jumdy. Ótken ǵasyrdyń 20-30 jyldary memleket bostandyǵy ıdeıasy men qarapaıym dala halqynyń múddesin qorǵap kelgen qazaq ıntellıgentsııasy túp-tamyrymen joıyldy», - dedi J.Qydyralına.
«Qazaqstan 1930 jyldary júz myńdaǵan kinásiz halyqtardy deportatsııalaý orny, HH ǵasyrda totalıtarlyq júıeden japa shekken barlyq halyqtardyń dostyq eli boldy», - dep atap ótti professor.
Konferentsııa jumysyna QR Parlamentiniń jáne Astana qalasy máslıhatynyń depýtattary, memlekettik organdar, tarıhshylar, qoǵamdyq uıym ókilderi qatysty.
Eske sala keteıik, 31 mamyr Qazaqstanda saıası qýǵyn-súrgin jáne asharshylyq qurbandaryn eske alý kúni bolyp tabylady.
