Stadler vagondaryn jetkizý 8 aıǵa keshikti: shyǵyndardy kim óteıdi
ASTANA. KAZINFORM – Qazaqstanda shyǵarylǵan Stadler jolaýshylar vagondaryn jetkizý merzimi segiz aıǵa keshikken. Óndirýshi kompanııa osyǵan baılanysty týyndaǵan qosymsha shyǵyndardy óteıdi.
Bul týraly Astana – Almaty baǵytyndaǵy jańa Stadler poıyzyn iske qosý rásiminde «Qazaqstan temir joly» ulttyq kompanııasy basqarma tóraǵasynyń orynbasary Ánýar Ahmetjanov aıtty.
Onyń aıtýynsha, bastapqyda jańa vagondardy 2025 jyldyń jeltoqsanynda jáne 2026 jyldyń basynda paıdalanýǵa berý josparlanǵan. Alaıda jetkizý merzimi keıinge shegerilgendikten, «Jolaýshylar tasymaly» AQ atalǵan baǵyttarǵa óz parkinde burynnan bar basqa vagondardy shyǵarǵan. Sonyń saldarynan qosymsha shyǵyndar týyndaǵan.
- Qazaqstan úshin aıtarlyqtaı shyǵyn bolǵan joq, tipti is júzinde shyǵynǵa ushyraǵan joqpyz deýge de bolady. Kelisimshart talaptaryna sáıkes, óndirýshi biz jumsaǵan qosymsha qarajatty óteıdi. Josparlanǵan baǵyttarǵa basqa vagondardy shyǵardyq. Osyǵan baılanysty týyndaǵan shyǵyndardyń barlyǵyn Stadler Kazakhstan kompanııasy tolyq óteıdi, – dedi Ánýar Ahmetjanov.
Al Stadler Kazakhstan kompanııasynyń kommertsııalyq dırektory Sergeı Leontev vagondardyń keshigýin Qazaqstannyń klımattyq erekshelikterine beıimdeý jáne qosymsha synaqtar júrgizý qajettiligimen túsindirdi.
- Bul – tehnologııalyq turǵydan óte kúrdeli joba. Vagondar Qazaqstannyń erekshe klımattyq jaǵdaıyna arnalyp jasaldy. Stadler buǵan deıin Afrıkaǵa +50 gradýs ystyqqa, Norvegııaǵa –40 gradýs aıazǵa arnalǵan vagondar jetkizgen. Biraq bir elde temperatýranyń osyndaı úlken aıyrmashylyǵyna beıimdelgen vagon jasaý ońaı emes. Sondyqtan qosymsha jetildirý jumystary qajet boldy. Jetkizý merzimi segiz aıǵa keshikti. Osy ýaqyttyń basym bóligi qosymsha synaqtarǵa jumsaldy. Basty maqsatymyz – jolaýshylardyń qaýipsizdigi men jaılylyǵyna tolyq kóz jetkizý, – dedi Sergeı Leontev.
Kompanııa ókili jańa vagondardyń tehnıkalyq múmkindikterine de toqtaldy. Onyń sózinshe, Stadler vagondarynyń jobalyq jyldamdyǵy saǵatyna 160 shaqyrymdy quraıdy.
- Synaq kezinde olar budan da joǵary jyldamdyqta tekserildi. Degenmen poıyzdardyń naqty qozǵalys jyldamdyǵy temirjol ınfraqurylymynyń jaǵdaıy men qoldanystaǵy qozǵalys kestesine baılanysty, - dep qosty kompanııa ókili.
Al Ánýar Ahmetjanov temirjol ınfraqurylymyn jańǵyrtý jumystary júrgizilip jatqanyn jetkizdi. Onyń aıtýynsha, poıyzdardyń saǵatyna 160 shaqyrym jyldamdyqpen qashan qatynaı bastaıtynyn ázirge naqty aıtý múmkin emes.
- Sebebi jolaýshylar jáne júk poıyzdary bir temirjol jelisin paıdalanady. Sondyqtan qozǵalys jyldamdyǵyn arttyrý kezinde qaýipsizdik talaptary da eskerilýi tıis, - dedi ol.
Eske salaıyq, búgin, 11 qarashada Qazaqstanda shyǵarylǵan Stadler vagondarynan jasaqtalǵan alǵashqy jolaýshylar poıyzy Astana – Almaty baǵytyna jolǵa shyqty. Jańa vagondar №3/4 «Nurly jol – Almaty-2» poıyzynyń quramynda kún saıyn qatynaıtyn bolady.
