Stadıonǵa jankúıerler jibergeni úshin «Atyraý» fýtbol komandasy aıyppul tóleıdi

ATYRAÝ. QazAqparat – «Atyraý» fýtbol komandasy taǵy aıyppul tóleıtin boldy, dep habarlaıdy QazAqparat.

Munaıly óńir komandasy 2 mamyrda óz alańynda «Kaspıı» komandasyn qabyldaǵan bolatyn. Fýtboldan el birinshiliginiń ІH týry aıasynda ótken sol oıynda stadıonǵa jankúıerler jiberilgen.

«Tártiptik reglamenttiń 66-babyna sáıkes «Atyraý» FK-ǵa 200 AEK mólsherinde aıyppul salynsyn. Bul 583 400 (bes júz seksen úsh myń tórt júz) teńgeni quraıdy. «Atyraý» fýtbol klýby 2021 jyldyń 4 maýsymyna deıin aıyppul tólesin» -delingen Qazaqstan fýtbol federatsııasynyń aqparatynda.

Eske sala ketelik, budan buryn «Atyraý» fýtbol komandasyna «Shahtermen» kezdeskennen keıin aıyppul salynǵan edi.