Statsıonardy erkin tańdaý quqyǵyn 577 myńnan astam adam paıdalandy

dep habarlaıdy QR Premer-Mınıstriniń resmı saıty Densaýlyq saqtaý mınıstrliginiń Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap.

«2012 jyldyń 9 aıy ishinde statsıonarda josparly em qabyldaǵan 577 myńnan astam adam statsıonardy erkin tańdaý quqyǵyn paıdalandy, olardyń 46 paıyzy aýyl turǵyndary», - delingen vedomstvo habarlamasynda.

Mınıstrliktiń aqparatyna qaraǵanda, óz óńirinde em alǵan 92,3 paıyz azamattyń 46 paıyzy aýyl turǵyndary, basqa óńirlerge barǵandar 1,9 paıyz, olardyń 66, paıyzy aýyl turǵyndary, respýblıkalyq klınıkalarda mamandandyrylǵan kómek alǵandar 5,8 paıyz,  olardyń 16,7 paıyzy aýyl turǵyndary.

Densaýlyq saqtaý mınıstrliginde atap ótkendeı, BUDJ engizgennen beri  aýyldyq sektordy qarjylandyrý kólemi 30-dan 45,5 mlrd teńgege deıin ósken. Bul aýdandardaǵy aýyldyq medıtsınalyq járdemniń sapasy men qoljetimdiligin arttyrýǵa baǵyttalǵan halyqty skrınıngten ótkizý, kóliktik medıtsınany engizý sııaqty    sharalar keshenin qos alǵanda, negizgi kórsetkishterdi jaqsartýǵa múmkindik beredi.

Memleket basshysynyń tapsyrmasyna saı, «Salamatty Qazaqstan» baǵdarlamasy sheńberinde  Biryńǵaı ulttyq densaýlyq saqtaý júıesin (BUDJ) engizý jalǵasýda. Bul statsıonardy erkin tańdaý múmkindigin, medıtsınalyq uıymdardyń ońtaıly jelisin qurýdy, kepildendiriligen tegin medıtsınalyq kómektiń tizimi men kólemin arttyrýdy (KTMKK), dári-dármekpen qamtamasyz etýdi, kólik júıesin qurýdy qarastyrady.