St.Petersburg Open-2010 týrnırindegi jeńis Qazaqstan Tennıs federatsııasynyń jemisi - M. Kýkýshkın
ASTANA. 2 qarasha. QazAqparat /Jasulan Amanbaıuly/ - Qazaqstandyq tennısshi M.Kýkýshkın St.Petersburg Open-2010 týrnırindegi jeńis Qazaqstan Tennıs federatsııasynyń jemisi dep otyr.
Búgin baspasóz máslıhatynda St.Petersburg Open-2010 týrnıriniń fınalynda reseılik sportshy Mıhaıl ıÝjnyıdy jeńgen Qazaqstan tennısshisi Mıhaıl Kýkýshkın óziniń mansabyndaǵy eń iri jeńisi úshin eń birinshi Qazaqstan Tennıs federatsııasyna rıza ekendigin aıtty.
Osyndan eki jyl buryn Qazaqstannyń Tennıs federatsııasy Reseı tennısshisi M. Kýkýshkınge Qazaqstan atynan jarystarǵa qatysýǵa usynys tastaǵan bolatyn. Sodan beri M. Kýkýshkın Devıs kýbogi jolyndaǵy jarystarda elimizdiń namysyn qorǵap, halyqaralyq beldi týrnırlerge Qazaqstan tennısshisi retinde qatysyp júr.
«Sońǵy eki-úsh jylda meniń oıynym qatty ózgerdi. Eki jyl buryńǵy meni alyp salystyratyn bolsaq, men reıtingte 150-shi orynda, tómen deńgeıli oıynshy retinde turalap qalyp otyrdym. Mende sporttyq maǵynada ary qaraı damýǵa jaǵdaı bolmaı, tipti mansabymnyń ary qaraı qalaı órbıtindigin bilmeıtinmin», deıdi M. Kýkýshkın.
«Eki jylda men oıynnyń joǵary deńgeıine shyǵyp óner kórsete bastadym. Meniń jattyǵýym jónindegi máseleler túbegeıli sheshildi. Buryndary jattyǵýdyń azdyǵynan men ekinshi taımda qatty sharshap, álimniń taýsylýynan jeńisti matchty qoldan berip qoıatynmyn. Sodan beri men áldeqaıda óstim. Bunyń barlyǵy Qazaqstan Tennıs federatsııasynyń arqasy», deıdi ol.
Sankt-Peterborda qol jetkizgen jeńisinen keıin Mıhaıl Kýkýshkın álemdik tennıs dáreje satysynda joǵary kóterilip, 58-shi orynǵa turaqtady. Ol Astanada ótip jatqan Challenger ATP PRESIDENT'S CUP serııaly halyqaralyq týrnırine qatysady. Eger osy jarysta jeńiske jetip jatsa, qazaqstandyq tennısshi 50-shi orynǵa kóteriledi.
