SQO-da sirińkemen oınaǵan 9 jasar bala bútin úı-jaıdy órtep jibere jazdady
ASTANA.KAZINFORM — SQO-da 9 jastaǵy balanyń sirińkemen oınaýy órtke sebep boldy, dep habarlaıdy oblystyq TJD baspasóz qyzmeti.
Soltústik Qazaqstan oblysy, Aıyrtaý aýdanyna qarasty Saýmalkól aýylynda 9 jasar bala saraı ishinde sirińkemen oınap otyryp, abaısyzda qaǵazdy órtep jibergen.
Bala otty tutatyp alǵan soń, ony sóndirmesten úıine ketip qalǵan. Osy kezde saraıdaǵy órt órship, tútin shatyr astynan shyǵa bastaǵan.
— Aýladan shyqqan tútindi kórshileri baıqap qalyp, dereý órt sóndirýshilerge habar bergen. Tótenshe jaǵdaılar qyzmeti oqıǵa ornyna jedel jetip, jalyndy der kezinde óshirdi. Sonyń arqasynda turǵyn úı men qora-jaılar ottan aman qaldy, — delingen vedomstvo taratqan aqparatta.
Abyroı bolǵanda, eshkim zardap shekken joq.
Budan buryn Qostanaıda órt shyqqan páterden anasy men eki balasy qutqarylǵanyn jazǵan edik.