Spýtnıktik habar taratý testik rejımde iske qosyldy - QR Baılanys jáne aqparat mınıstrligi
ASTANA. 20 jeltoqsan. QazAqparat - Spýtnıktik tsıfrlyq televızııany iske qosý - ulttyq telehabar taratýdy jańa tsıfrlyq tehnologııaǵa kóshirýdiń alǵashqy kezeńi.
Bul joba Memleket basshysy Nursultan Nazarbaevtyń tapsyrmasy boıynsha jáne Qazaqstan Respýblıkasynyń 2020 jylǵa deıingi strategııalyq damý josparyna saı júzege asyrylýda, dep hpbprlpıdy QR Baılanys jáne aqparat mınıstrliginiń baspasóz qyzmeti.
Ústimizdegi jyldyń 10 jeltoqsanynan 11 jeltoqsanyna qaraǵan túni «Qazaqstandyq telekommýnıkatsııalar» AQ-nyń spýtnıktik jelisi habar taratýdyń jańa spýtnıktik DVB-S2 MPEG 4 standartyna aýystyryldy. Jańa standarttyń artyqshylyǵy - aıqyndylyq sapasy joǵary (HD-formatyndaǵy) arnalardyń sanyn arttyrý múmkindigi. Sondaı-aq, tsıfrlyq spýtnıktik TV-ny iske qosý arqyly efırlik taratylymmen qamtylmaı otyrǵan alys eldi mekenderdi otandyq telehabarlarmen qamtý.
Spýtnıktik televızııa qyzmetin paıdalaný úshin, azamattarǵa avtorlandyrylǵan dılerlik jeli arqyly spýtnıktik arnaıy qondyrǵyny (antenna, qabyldaǵysh) ornatýlary qajet. Telehabarlardy basqa spýtnık arqyly kórip otyrǵan turǵyndar úshin DVB-S2 MPEG 4 standartyndaǵy qabyldaǵyshty ornatyp, antennasyn Intelsat 904 spýtnıgine baǵyttaý kerek.
«Qazteleradıo» AQ-y «Qazaqstandyq telekommýnıkatsııalar» AQ-men birigip, avtorlandyrylǵan dılerlerdi tartý arqyly «Katelko plıýs» spýtnıktik jelisi abonentteriniń qabyldaǵyshtaryn aýystyrýda. Bul jumys spýtnıktik televızııa qyzmetin kórsetý týraly kelisim-sharttyń qoldanylý merzimi aralyǵynda saqtaýdy óz jaýapkershiligine alý negizinde júzege asyrýda.
Buryn habarlanǵandaı, QR Baılanys jáne aqparat mınıstrligi tsıfrlyq spýtnıktik telehabarlaryn taratýdy damytý maqsatynda oblystyq ákimdiktermen ózara áriptestik memorandýmdaryna qol qoıdy. Atalǵan qujatqa sáıkes, turmysy tómen otbasylarǵa spýtnıktik qabyldaǵyshtardy satyp alý jáne ornatý úshin oblystyq ákimdikter ótemaqy tóleıtin bolady.
Sondaı-aq, abonentterdiń joldanymdaryna shuǵyl túrde jaýap berýdi qamtamasyz etý maqsatynda tutynýshylardy qoldaýdyń Biryńǵaı aqparattyq ortalyǵy (Call-Centre) quryldy.
Búgingi kúni spýtnıktik televızııany 6600 abonent paıdalanýda.
