Spýtnıkterdi Qazaqstannan eksporttaýǵa qatysty qaı eldermen kelisim bar
ASTANA. KAZINFORM – Eki elmen birlesken spýtnıkter jasaý týraly naqty kelisimderge qol jetkizildi. Bul týraly QR Tsıfrlyq damý, ınnovatsııalar jáne aeroǵarysh ónerkásibi mınıstrliginen málim boldy.
- «Qazaqstan Ǵarysh Sapary» UK» AQ 2024 jyldan bastap ártúrli eldermen Qazaqstanda jasalǵan spýtnıkterdi eksporttaý boıynsha belsendi kelissózder júrgizip keledi. Qazirgi ýaqytta Monǵolııa jáne Kongo Respýblıkasymen birlesken spýtnıkter jasaý týraly naqty kelisimderge qol jetkizildi. Bul memleketter qazaqstandyq Jerdi qashyqtan zondtaý (JQZ) tehnologııalaryn aýyl sharýashylyǵy, ekologııa jáne tabıǵı resýrstar monıtorıngi sııaqty ártúrli salalarda paıdalanýǵa múddeli, - delingen mınıstrliktiń Kazinform agenttigine bergen jaýabynda.
Eske salsaq, byltyr kúzde Tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev spýtnıkterdi eksporttaýǵa qatysty eki elmen kelissóz júrip jatqanyn aıtty.
Qazaqstan spýtnıgin ımporttaýǵa qyzyǵýshylyq tanytqan elderdiń qataryn Gvıneıa-Bısaý tolyqtyrýy múmkin.