Spýtnıkterdi eksporttaýǵa qatysty eki elmen kelissóz júrip jatyr - Jaslan Mádıev
ASTANA. KAZINFORM – Tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev spýtnıkterdi eksporttaýǵa qatysty eki elmen kelissóz júrip jatqanyn aıtty.
«Jer serikterin qurýda Mońǵolııa jáne basqa da elder qarastyrylyp otyr. Bul memleketterdi dál qazir jarııalaı almaımyn, sebebi kelissóz protsesi júrip jatyr. Ázirge, bul jaıynda resmı jarııalaýǵa erte, ıaǵnı spýtnık óndiretin basqa elder óz usynystarymen kedergi keltirýi yqtımal. Sondyqtan ulttyq múddeni eskere otyryp, qujatqa qol qoıǵannan keıin aıtamyz. Jalpy, kem degende eki memleketpen osy baǵytta yntymaqtastyq ornatylady», - dedi J. Mádıev Senattyń jalpy otyrysynan keıin tilshiler suraǵyna jaýap bere otyryp.
Budan buryn habarlanǵandaı, Qazaqstan Mońǵolııaǵa jerserik eksporttaıdy.
Qazaqstan Prezıdentiniń Mońǵolııaǵa memlekettik sapary aıasynda Jerdi qashyqtyqtan zondtaý júıesin qurý jáne damytýǵa baǵyttalǵan tarıhı ınvestıtsııalyq kelisimge qol qoıyldy.
