«Spýtnık V» vaktsınasy endi Túrkııada óndiriledi

ANKARA. Anadoly-QazAqparat - Reseıdiń tikeleı ınvestıtsııalar qory jáne Viscoran İlaç atty túrik farmatsevtıka kompanııasy koronavırýs ınfektsııasyna qarsy «Spýtnık V» vaktsınasyn óndirý jaıynda kelisti. Bul jaıynda atalmysh kompanııa málim etti, dep habarlaıdy QazAqparat Anadoly agenttigine silteme jasap.

Reseılik qordyń basshysy Kırıll Dmıtrıevtiń aıtýynsha, Viscoran İlaç kompanııasymen jasalǵan kelisim «Spýtnık V» vaktsınasynyń óndiris qýatyn arttyryp, halyqaralyq jetkizilimdi qamtamasyz etýge baǵyttalǵan.

Onyń sózine sensek, RTIQ Azııa, Latyn Amerıkasy, Eýropa jáne TMD elderinde birqatar farmatsevtıka kompanııasymen yntymaqtastyq ornatqan.

Sonyń arqasynda qaýipsiz jáne tıimdi reseılik ekpe 60-tan astam memlekette halyqqa qoljetimdi bolady.

«Vaktsına óndirisi, lıtsenzııalaý protsesi, sondaı-aq saqtaý jáne dıstrıbýtsııa máselesinen bólek Reseımen áriptestigimizdiń taǵy bir bóligi - ekpeniń klınıkalyq synaǵy. Ol óte sátti júrip jatyr. Biz búkil álem kóz tigip otyrǵan osyndaı mańyzdy preparattyń óndirisine úles qosa alatynymyz úshin qýanyshtymyz» dep atap ótti Viscoran İlaç kompanııasy dırektorlar keńesiniń tóraǵasy Óztúrik Oral.