«Spýtnık V» men Hayat-Vax vaktsınalary qansha turady
NUR-SULTAN. QazAqparat – Ortalyq kommýnıkatsııalar qyzmetinde ótken brıfıngide «SQ-Farmatsııanyń» basqarma tóraǵasy Erhat Esqalıev qoldanystaǵy vaktsınalardyń baǵasy týraly aqparat berdi, dep habarlaıdy QazAqparat.
«Bizde vaktsına baǵasyna qatysty saıasat memlekettik deńgeıdegi kelissózder arqyly aıqyndalady. Onyń kólemi ashyq kózderde jarııalanǵan. Naqtyraq aıtsaq «Samuryq Qazyna» satyp alǵan Hayat-Vax vaktsınasynyń kelisimshartyna biz de kómekteskenbiz. Baǵa 31 dollar boldy. Shyn máninde naryqta odan da joǵary baǵa bar. Belýars ta osy baǵamen satyp aldy. ıAǵnı, baǵa máselesi ashyq. Óndirýshi elder baǵany resmı túrde usynady. Bizge koronavırýs ınfektsııasynyń taralýyn boldyrmaý jónindegi vedomstvoaralyq komıssııa arqyly kólemi men baǵasy, avanstar boıynsha tapsyrma beriledi. Biz sonyń negizinde satyp alamyz», - dedi kompanııa basshysy.
«SQ-Farmatsııa» JShS basqarma tóraǵasy «SpýtnıkV» vaktsınasynyń baǵasy barzandatylǵanyn qaıtalap eske saldy.
«SpýtnıkV» boıynsha aıtsaq, otandyq óndirýshi sýbstantsııadan vakına jasap otyrǵanyn bilesizder. Basynda Reseı tarapy jarııalaǵan baǵa qazirgiden joǵary bolatyn. Keıin 21 dollarǵa deıin túsirdi. Osy baǵany saqtap otyrmyz. Qaraǵandydaǵy farmatsevtıkalyq keshen osy baǵa boıynsha jetizedi. Al basynda bir dozasy 26 dollar bolatyn. Qazir naryqta vaktsına úshin maıdan júrip jatyr deýge bolady. Eýropada birneshe jetkizýshimen sot júrip jatyr. Úndistanda vaktsına ýaqytynda jetpeı jatyr. Al bizdiń el jasaǵan kelisimderdiń oryndalýy qatań baqylaýda», - dedi Erhat Esqalıev.
