«Spýtnık- V» egilgenderdiń «jasyl» mártebesi 1 qańtardan bastap joıylady - feık

NUR-CULTAN. QazAqparat - Áleýmettik jelilerde bıyl kóktemde «Spýtnık-V» vaktsınasyn alǵan adamdar 1 qańtardan bastap «jasyl» mártebesin joǵaltady degen aqparat taratylýda. Bul jalǵan, dep habarlaıdy stopfake.kz.

Sanıtarlyq-epıdemıologııalyq baqylaý komıteti bul aqparatty joqqa shyǵardy.

« Qandaı vaktsınamen egilgenińizge qaramastan, Ashyq júıesindegi «jasyl» mártebe ekinshi komponentti alǵan sátten bastap bir jyl boıy saqtalady. ıAǵnı, eger vaktsınanyń ekinshi dozasyn, mysaly, 2021 jylǵy 30 sáýirde alsańyz, onda «jasyl» statýs 2022 jylǵy 30 sáýirge deıin saqtalady « , – dep túsindirdi vedomstvonyń resmı ókili Erjan Baıtanaev.

Demek, vaktsınatsııalanǵan adamdar 2022 jyldyń basynda Ashyq júıesinde «jasyl» mártebesin joǵaltady degen aqparat feık bolyp tabylady.

Barshańyzdy tek resmı aqparatqa ǵana senýge shaqyramyz! Jańalyqtyń shynaıylyǵyn bizdiń portaldyń kómegimen tekserýge bolady. Ózińizdi qyzyqtyrǵan aqparatty t.me/stopfake_kz Telegram-arnasyna nemese [phone] WhatsApp nómirine jiberińiz.