«Spýtnık-V» ataýy egilgenderdi jerserik arqyly baqylaıtynyn bildiredi - feık

NUR-SULTAN. QazAqparat - Qaznet qoldanýshylary COVID-19 qarsy «Spýtnık-V» vaktsınasy ataýynyń paıda bolýy týraly teorııalardy alǵa tartýda. Olardyń pikirinshe, preparatpen egilgenderdi jerserikter arqyly baqylaıtynyn bildiredi. Bul jalǵan, dep habarlaıdy stopfake.kz saıty.

Reseılik «Spýtnık-V» vaktsınasy – álemde alǵashqy bolyp tirkelgen COVID-19 qarsy ekpe. Ol jerdiń alǵashqy jasandy jerserigi «Spýtnık-1»-diń qurmetine ataldy. Jerserik KSRO-da 1997 jyly 4 qazanda iske qosylǵan.

Ekpe ataýdaǵy V árpi jeńis degen sózdi bildiredi jáne COVID-19 aýrýyn jeńýdiń belgisi bolyp tabylady. Vaktsınatsııalanǵan adamdardy baqylaý – vaktsınalarda belgili bir mıkrochıpter bar degen jalǵan boljamnan týyndaǵan qastandyq teorııasy. Bul týraly biz birneshe ret jazǵan bolatynbyz.

Habarlamada aıtylǵan «Spýtnık-V» quramynda adam jasýshalary bar degen pikir de durys emes. Vaktsınany jasaýshylar preparat quramynda adamnyń da, janýardyń da jasýshalary joq ekenin málimdegen bolatyn.

Sondaı-aq, feık aqparatta KVI qarsy taǵy bir vaktsına – Moderna-ny óndirýshiler adamdardy chıpteıtinderin moıyndaǵany aıtylǵan. Biz bul jalǵan málimdemeni buǵan deıin taldaǵan bolatynbyz.

Demek, vaktsınatsııalanǵan adamdardy jerserikterdiń kómegimen baqylaıtyny týraly teorııalar durys emes. KVI qarsy vaktsına álemdegi alǵashqy jasandy jerseriginiń qurmetine atalǵan, óıtkeni ol da osy aýrýdyń aldyn alýǵa arnalǵan dári-dármektiń ishinde álemde birinshi bolyp tirkelgen.