«Spýtnık Laıt» vaktsınasynyń ereksheligi nede

NUR-SULTAN. QazAqparat – Densaýlyq saqtaý mınıstrligi sanıtarlyq-epıdemıologııalyq baqylaý komıtetiniń tóraǵasy Aıjan Esmaǵambetova Qazaqstanda ýaqytsha tirkelgen «Spýtnık Laıt» vaktsınasy týraly aıtyp berdi, dep habarlaıdy QazAqparat.

«Qazaqstanda «Spýtnık Laıt» vaktsınasy ýaqytsha tirkeldi. «Spýtnık Laıt» - «Spýtnık V» sııaqty vaktsına, biraq tek birinshi dozasy. «Spýtnık laıttyń» sıpattamasy qandaı: ol 80% tıimdilik kórsetti jáne ekpeden keıingi ımmýnıtettiń uzaqtyǵy 6 aıǵa deıin ǵana saqtalady. Qazir «Spýtnık Laıtty» halyqtyń tańdaýyna qaraı qoldaný josparlanǵan – kim eki vaktsına alǵysy kelmeıdi jáne onyń qysqa ımmýnıtetine kelisedi, sol azamattarǵa «Spýtnık Laıt» egiledi», - dedi A. Esmaǵambetova Ortalyq kommýnıkatsııalar qyzmetinde ótken brıfıngte.

Spıkerdiń aıtýynsha «Spýtnık Laıt» qajettilik týyndaǵan jaǵdaıda qaıta vaktsınalaýǵa da paıdalanylýy múmkin.

«Ázirge biz revaktsınatsııa máselesin kótermedik, DDSU da revaktsınatsııa qajettiligi týraly aıtpady. Biraq aldaǵy ýaqytta qandaı da bir jańa derekter, revaktsınatsııa júrgizý qajettigi týraly zertteý nátıjeleri paıda bolsa, «Spýtnık Laıt» revaktsınatsııa úshin de paıdalanylýy múmkin», - deıdi A. Esmaǵambetova.

Eske sala ketsek, 2021 jyly 12 shildede QR DSM Medıtsınalyq jáne farmatsevtıkalyq baqylaý komıteti reseılik «Spýtnık Laıt» vaktsınasyna ýaqytsha tirkeý kýáligin berdi.