SPS kompanııasy baǵdarlamalyq qamsyzdandyrý boıynsha jańa óndirýshilerdi Qazaqstan naryǵyna shyǵarýda
ALMATY. Qazannyń 28-i. QazAqparat /Erbol Turymbetov/ - Búgin Almatyda baǵdarlamalyq qamsyzdandyrý dıstrıbıýterleriniń biri «SPS» JShQ kompanııasy Qazaqstan naryǵyna baǵdarlamalyq qamsyzdandyrýdyń jańa óndirýshilerdi shyǵarýy men Almatyda TMD keńistiginde óziniń jańa keńsesin ashatyndyǵy jóninde málimdedi.
Sonyń negizinde, Grapxisoft, Nero, Corel, Gdata kompanııalary Qazaqstan naryǵynda alǵashqy qadamdaryn jasaı bastady. Jańadan ashylyp otyrǵan keńseniń basshylyǵyna Maksım Grebenkın taǵaıyndaldy. «Kompanııamyz aǵymdaǵy jyldyń maýsym aıynan bastap kásiporyn retinde jumys isteı bastady. Qazirge deıin Qazaqstan boıynsha 54 kompanııamen resmı shart jasasqan bolsaq, 300-den asa kompanııa ár túrli ótinishterimen bizge kelip turady. Búginde Qazaqstannyń 12-den astam qalasy men qyrǵyz eline ónimderimizdi tasymaldap otyrmyz», dedi SPS kompanııasynyń atqarýshy dırektory Maksım Grebenkın.
Sonymen qatar ol ár túrli saýda jelileri arqyly memlekettik, kommertsııalyq qurylymdarmen, quqyq qorǵaýshylar jáne Almaty qalalyq UQK-men jumys júrgizip otyrǵandaryn da málim etti. Ol boıynsha, qyzmetkerler baǵdarlamalyq qamsyzdandyrýlar boıynsha oqytylady.
SPS (Center of Professional Software) - zamanaýı aqparattyq tehnologııalardy alǵa jyljytýǵa baǵdarlanǵan kompanııa. Onyń dıstrıbıýterlik qorjynyna 100-den astam reseılik jáne sheteldik vendor kiredi. 1993 jyldan bastap naryqta qyzmet etip keledi. Ol Máskeý men Sankt-Peterborda ǵana emes, Reseıdiń ózge de aımaqtarynda jáne TMD aýmaǵynda 2200-den astam kompanııalardan turatyn tarmaqtalǵan áriptestik jelisine ıe.
