Spotify jasandy ıntellekt kómegimen mýzykalyq remıkster jasaý qyzmetin iske qospaq
ASTANA. KAZINFORM – Spotify mýzykalyq strımıng servısi 2027 jyldyń birinshi toqsanynda jasandy ıntellekt kómegimen mýzykalyq remıkster jasaýǵa múmkindik beretin jańa fýnktsııany iske qosýdy josparlap otyr, dep habarlaıdy Financial Times.
Kompanııa jańa qyzmetti aqpan aıynda ótetin «Gremmı» syılyǵyn tabystaý rásimine qaraı iske qosýdy kózdep otyr.
Jańa fýnktsııa aqyly jazylymy bar paıdalanýshylarǵa tanymal mýzykalyq shyǵarmalardyń áýenin óz qalaýynsha ózgertýge múmkindik beredi. Máselen, halyq ánderin bı áýenine aınaldyrýǵa nemese belgili bir ándi basqa oryndaýshynyń daýys mánerine uqsatyp, kaver-nusqasyn jasaýǵa bolady.
Spotify bul quraldy paıdalaný úshin aı saıyn qosymsha 4-5 dollar aqy alý múmkindigin qarastyryp jatyr.
Jańa qyzmetti ázirleý barysynda avtorlyq quqyq máselesine erekshe nazar aýdarylyp otyr. Josparǵa sáıkes, paıdalanýshylar jasaǵan remıksterden túsetin avtorlyq tólemder shyǵarmalardyń bastapqy oryndaýshylaryna aýdarylady.
Sonymen qatar mundaı remıksterdiń tyńdalym sany Spotify mýzykalyq reıtıngterinde túpnusqa shyǵarmalardyń kórsetkishterimen birge eseptelmek.
Jańa fýnktsııany iske qosý úshin kompanııa Universal Music Group, táýelsiz mýzykalyq leıblderdi biriktiretin Merlin jáne frantsýzdyń Believe mýzykalyq kompanııasymen lıtsenzııalyq kelisimder jasasqan.
Al Sony Music jáne Warner Music kompanııalarymen kelissózder áli jalǵasyp jatyr.
Aıta keteıik, buǵan deıin Spotify jasandy ıntellekt kómegimen jasalǵan mýzykany retteý sharalaryn jarııalaǵan bolatyn. 2026 jyldyń tamyzynda kompanııa vırtýaldy oryndaýshylardyń profılderin arnaıy AI Persona belgisimen tańbalap, olardyń shyǵarmalaryn redaktsııalyq jáne algorıtmdik usynymdarǵa engizýdi shekteýdi josparlap otyrǵanyn málimdedi.
