Sporttyń damýyna yqpal etip júrgen bıznes sýbektileri men iri mekemelerge salyqtyq jeńildikter jasaý qajet - Týrızm jáne sport vıtse-mınıstri
TANA. 24 tamyz. QazAqparat /Aıdar Ospanalıev/ - Qazirgi tańda sport jáne dene shynyqtyrý sharalarymen halyqtyń 21 paıyzǵa jýyǵy qamtylǵan. Bul málimetpen búgin Premer-Mınıstrdiń orynbasary Erbol Orynbaev basqaratyn Densaýlyq saqtaý jónindegi úılestirý keńesiniń XV májilisinde Týrızm jáne sport vıtse - mınıstri Murat Omarov málim etti.
Onyń sózinshe, respýblıka halqyn dene shynyqtyrý jáne sport sharalarymen qamtý máselesi jergilikti ákimderge júktelgen. Týrızm jáne sport mınıstrligi bul málimetterdi toqsan saıyn jınap otyrady. «Biz sonymen qatar halyqqa sporttyq qyzmet kórsetetin bıznes sýbektilerine salyqtyq jeńildikter jasaýdy usynǵaly otyrmyz. Buǵan qosa biz ózderiniń qyzmetkerlerine sportpen aınalysý
úshin arnaıy ǵımarat jaldap berý sııaqty sporttyq sharalardy qarjylandyrýmen aınalysatyn uıymdarǵa da salyqtyq jeńildikter jasaý qajet degen oıdamyz»,-dedi vıtse-mınıstr.
