Sporttyq jáne áskerı sambodan ótken Azııa chempıonatynan aqmolalyq sportshylar júldemen oraldy (FOTO)
KÓKShETAÝ. QazAqparat - Atyraý qalasynda sporttyq jáne áskerı sambodan ótken Azııa chempıonatynan aqmolalyq sportshylar oljaly oraldy.
Erler men áıelder jáne jasóspirimder arasynda ótken jarysta Aqmola oblysynyń namysyn Denıs Egorov pen Aslan Zeınollaev qorǵady.
Básekeniń alǵashqy kúni erlerdiń arasynda ótken 90 keli salmaqqa deıingi beldesýde aqmolalyq Denıs Egorov qolǵa medalǵa qol jetkizdi. Al, kelesi kúni 68 salmaqqa deıingi erler arasynda Aslan Zeınollaev kúmis júldeni mise tutty.
«Osyndaı baıraqty jarysta el namysyn qorǵaǵanym ózimdi baqytty sanaımyn. Endigi jattyǵýymdy Qazaqstan chempıonatyna arnaımyn», deıdi Aslan Zeınollaev.
Aıta keteıik, sporttyq jáne áskerı sambodan Azııa chempıonaty Atyraý qalasynda ótti. Oǵan Qazaqstannan basqa Ózbekstan, Qyrǵyzstan, Aýǵanstan, Mońǵolııa, Tájikstan, Úndistan, Malaızııa, Iran jáne Ońtústik Koreıa elderinen kelgen 250 samboshy qatysty. Jalpy, komandalyq esepte Qazaqstan quramasy birinshi, Tájikstan ekinshi jáne Ózbekstan úshinshi oryndy ıelendi.
