Sporttyq nysandardy tıimdi paıdalaný máselesi óz sheshimin áli tapqan joq - Tımýr Dosymbetov
ALMATY. 3 aqpan. QazAqparat /Erlik Erjanuly/ - Elimizdegi sporttyq ınfraqurylymdardy tıimdi paıdalaný máselesin jergilikti ákimshilikter men QR Sport jáne deneshynyqtyrý isteri agenttigi basty nazarda ustaý kerek.
Ony QR Ulttyq olımpıada komıtetiniń bas hatshysy Tımýr Dosymbetov búgin Almatyda ótken baspasóz máslıhatynda aıtty.
Burynǵy Sport jáne týrızm mınstriniń aıtýynsha, sport nysandaryn tıimdi paıdalaný máselesi tolyqtaı óz sheshimin taýyp jatqan joq. 2017 jyly Almatyda qysqy ýnıversıda oıyndarynyń ótýine oraı, qala ákimshiligi taıaý ýaqytta Stýdentter sporty federatsııasymen birge jarys baǵdarlamasyn talqylaıdy. Bul óte mańyzdy másele. Óıtkeni jarys baǵdarlamasyna sáıkes aldaǵy ýaqyta qajetti jańa sport nysandary salynady. Bul Almaty qalasyn Olımpıada oıyndaryn ótkizýge usynýǵa jasalǵan kezekti qadam bolmaq.
Qazaqstan 2011 jyly Almaty men Astana qalasynda ótken 7-Qysqy Azııa oıyndaryn ótkizý kezinde Medeý muzaıdyny, Shymbulaq taý shańǵysy kýrorty, Tabaǵan sporttyq-saýyqtyrý kesheni, Balýan Sholaq atyndaǵy sport saraıy men Ortalyq stadıonǵa kúrdeli jóndeý jumystaryn júrgizdi. Sondaı-aq Almatyda Shańǵymen tuǵyrdan sekirý kesheni, Almaty oblysynda shańǵy-bıatlon kesheni, Astanada jabyq muzaıdyny salyndy.
