Sporttyq nysandardy salý jaǵynan Qazaqstan bizge úlgi bolmaq - Saha Respýblıkasynyń vıtse-prezıdenti D.Glýshko
ASTANA. 31 qańtar. QazAqparat /Arman Asqarov/ - Qazaqstannyń elordasy - Astana qalasynda 7-Qysqy Azııa oıyndary aıasynda salynǵan sporttyq nysandar bizdi tańqaldyrdy. Búgin Astanada ótken ótken baspasóz máslıhatynda Azıadanyń qonaǵy - Saha (ıAkýtııa) Respýblıkasynyń vıtse-prezıdenti Dmıtrıı Glýshko osylaı aıtty.
Onyń habarlaýynsha, Saha Respýblıkasy 2012 jyly «Azııa balalary - 2012» V Halyqaralyq sport oıyndaryn uıymdastyrýdy josparlap otyr. Osyǵan oraı búginde osy elde san alýan sporttyq nysandardy salý jumysy bastalyp ketken. «Biz Qazaqstannyń elordasy - Astana qalasyna Azıadanyń ashylýyna deıin kelgen bolatynbyz. Negizgi maqsatymyz - Astanada salynǵan jańa sporttyq nysandaryn kórip, olardyń qurylysymen tanysý. Ol úshin biz Reseı Federatsııasynyń Olımpıada komıtetiniń bas hatshysymen birge Azıadanyń ashylýyna deıin Astanadaǵy jańa sporttyq keshenderdi aralap, kórip, osy nysandardyń tehnıkalyq jaǵdaıymen jan-jaqty tanystyq. Bul - keremet qurylys nyshandary. Endi, biz 2012 jyly Saha respýblıkasynda ótetin «Azııa balalary - 2012» V Halyqaralyq sport oıyndarynyń qurylys nysandaryn odan da jaqsy etip salýdy oılap otyrmyz. Sebebi Qazaqstan ol jaǵynan bizge joǵary mejeni kórsete bildi», -dedi ol.
