Sporttyq gımnastıkadan lıtsenzııalyq álem kýbogi: Mılad Karımı fınalda

KOTBÝS. QazAqparat - 19 qarasha kúni Germanııanyń Kotbýs qalasynda sporttyq gımnastıkadan lıtsenzııalyq álem kýbogi bastaldy, dep habarlaıdy QazAqparat Olympic.kz saıtyna silteme jasap.

Kýboktik dodaǵa Qazaqstan komandasynyń músheleri de qatysýda. Qurama úzdigi Mılad Karımı erkin jattyǵýdan aqtyq synǵa ótti. Ol irikteý kezeńin úshinshi orynmen aıaqtaǵan. Mıladtyń enshisinde 14.533 upaı bar. Ol ázirge japonııalyq Kazýkı Mınamı (14.866) men reseılik Kırıl Prokopevke (14.666) ese jiberýde.

Gımnastıkalyq at snarıadynda Akım Mýsaev 9-shy orynnan kórindi. Akımniń áli de fınalǵa ótetin múmkindigi bar. Al Narıman Kýrbanov 22-shi satyǵa turaqtap, aqtyq synnan syrt qaldy. Búgin ekinshi irikteý kúni ótedi. Sportshylar qossyryq, gımnastıkalyq kerme jáne qol tirep sekirýden synǵa túsedi.