Sporttyq gımnastıkadan álem kýbogi: eki qazaqstandyq fınalǵa ótti
NUR-SULTAN. QazAqparat - Bul kúnderi Katar astanasy Dohada sporttyq gımnastıkadan álem kýbogi kezeńi ótip jatyr. Alǵashqy irikteý kezeńiniń qorytyndysy boıynsha eki qazaqstandyq sportshy fınalǵa joldama aldy, dep habarlaıdy QazAqparat Olympic.kz saıtyna silteme jasap.
Atap aıtar bolsaq, Narıman Kýrbanov gımnastıkalyq at snarıadyndaǵy irikteý kezeńinde 14.566 upaı alyp, fınalǵa ótti.
Erkin jattyǵýdan Mılad Karımı aqtyq synda óner kórsetedi. Ol 13.900 upaımen irikteýde jetinshi nátıje kórsetken.
Dohadaǵy álem kýbogi kezeńi 7 naýryzǵa deıin jalǵasady. Buǵan deıin qazaqstandyq gımnastar Germanııanyń Kotbýs qalasynda synǵa túsken bolatyn.
