Sporttyq gımnastıkadan álem chempıonaty: Narıman Kýrbanov fınalǵa shyqty
ASTANA. QazAqparat - Qazaqstandyq gımnasshy Narıman Kýrbanov at snarıadynda úshinshi orynmen álem chempıonatynyń fınalyna shyqty, dep habarlaıdy QazAqparat tilshisi.
QR Ulttyq olımpıada komıteti baspasóz qyzmetiniń habarlaýynsha, Narıman Kýrbanov jeke jattyǵýlardyń fınalyna 202 sportshynyń arasynan úzdik segiz sportshynyń biri bolyp shyqty.
Álem chempıonatynyń alǵashqy jarys kúninde óner kórsetken Narıman Kýrbanov at snarıadyndaǵy jattyǵýy úshin 14.466 upaı enshilep, birinshi kúnniń qorytyndysy boıynsha kósh bastaǵan edi. Іrikteý kezeńiniń ekinshi kúninde de Narıman uzaq ýaqyt birinshi orynda kele jatty. Tek jarys kúniniń sońynda ǵana eki dúrkin Olımpıada chempıony, osy snarıadta 2017 jylǵy álem chempıonatynyń jeńimpazy atanǵan brıtandyq Maks Ýıtlok (14.966) pen 2017 jylǵy álem chempıony, osy jylǵy Azııa oıyndarynda top jarǵan qytaılyq Sıao Jotendi (14.633) alǵa jiberip qoıdy.
Osy chempıonatta el namysyn Narımanmen birge Mılad Karımı, Erbol Jantyqov, Іlııas Ázızov pen Ákim Musaev qorǵap jatyr. Jalpy bizdiń gımnastshylarymyz 239.291 upaı jınap, irikteýden keıin úzdik jıyrma quramanyń qataryna ilikti. Bizdiń komanda 46 quramanyń ishinde 16-shy orynda. Úzdik 24 komanda Tokıo Olımpıadasyna irikteý retinde kelesi jyly ótetin lıtsenzııalyq álem chempıonatyna qatysýǵa múmkindik alady.
Narıman Kýrbanovtyń fınaly qarashanyń 2-sinde ótedi. Búgin Qazaqstannyń áıelder quramasy jarys jolyna shyǵady. Elimizdiń atynan Aıda Baýyrjanova men Ekaterınoı Chýıkına óner kórsetedi. Sporttyq gımnastıkadan Dohada ótip jatqan álem chempıonaty qarashanyń 3-i kúni aıaqtalady.
