Sporttyq gımnastıkadan álem chempıonaty: Qazaqstan jetinshi orynda keledi
ASTANA. QazAqparat - Katar astanasy Dohada ótip jatqan sporttyq gımnastıkadan álem chempıonatynda Qazaqstan quramasy ázirge jetinshi orynda kele jatyr, dep habarlaıdy QazAqparat tilshisi.
QR Ulttyq olımpıada komıteti baspasóz qyzmetiniń habarlaýynsha, Qazaqstan erler komandasy birinshi irikteý kezeńinen soń jetinshi orynda keledi.
Keshegi synda barlyǵy 24 komanda óner kórsetti. Bizdiń qurama namysyn Mılad Karımı, Іlııas Azızov, Erbol Jantyqov, Narıman Kýrbanov jáne Akım Musaev qorǵaǵan bolatyn.
Alty jattyǵý qorytyndysy boıynsha Qazaqstan komandasy jalpy esebi 239.291 upaı jınady. Qurama sportshylary qol tirep sekirýden eń joǵary upaı aldy - 41.532.
Dál qazirgi sátte Qazaqstan sportshylary jetinshi orynda keledi. Birinshi orynda - Reseı, ekinshi orynda - Nıderland, úshinshi orynda Shveıtsarııa quramalary.
Búgin, 26 qazan kúni, irikteý kezeńiniń ekinshi kúni bastalady. Sporttyq gımnastıkanyń úzdigi sanalatyn AQSh, Japonııa jáne Qytaı sportshylary jarysty búgin bastamaq. Eki jarys kúniniń qorytyndysy boıynsha fınalǵa joldama alǵan komandalar anyqtalady.
Aıta ketelik, jekeleı synda Narıman Qurbanovtyń fınalaǵa ótý múmkindigi joǵary. Ol at snarıadyndaǵy jattyǵýda 14.466 upaı jınady.
