Sporttyq gımnastıkadan álem chempıonaty: Eki qazaqstandyq fınalǵa ótti
ASTANA. QazAqparat – Sporttyq gımnastıkadan Qazaqstan quramasynyń kóshbasshylary Mılad Karımı men Narıman Qurbanov Ulybrıtanııanyń Lıverpýl qalasynda ótip jatqan Álem chempıonatynyń fınalyna ótti, dep habarlaıdy QazAqparat.
QR Ulttyq olımpıada komıtetiniń málimetine súıensek, M.Karımı erkin jattyǵýlarda kvalıfıkatsııany sátti ótti. Ol 14.733 balmen úshinshi oryn alyp, aqtyq jarysqa joldama aldy.
N.Qurbanov ta irikteý kezeńinde úshinshi oryn aldy. At ústindegi jattyǵý dıstsıplınasynda tóreshiler onyń ónerin 15.033 balǵa baǵalady.
Eske salaıyq, bıylǵy naýryz aıynda Mılad Karımı Álem kýbogy kezeńiniń kúmis júldegeri atanǵan bolatyn.
Al Narıman Qurbanov sáýir aıynda Bakýde ótken Álem kýbogi kezeńinde altyn medal jeńip aldy.
