Sporttyq gımnastıka: Álem birinshiliginde el namysyn kimder qorǵaıdy
ASTANA. QazAqparat - Qazannyń 25-i men qarashanyń 3-i aralyǵynda Katar astanasy Dohada sporttyq gımnastıkadan 48-shi álem chempıonaty ótedi, dep habarlaıdy QazAqparat tilshisi.
QR Ulttyq Olımpıadalyq komıtetiniń habarlaýynsha, dúbirli synǵa álemniń 56 elinen 500 sportshy qatysady dep kútilýde. Tap osy birinshilikte 2020 jylǵy Tokıo Olımpıadasynyń alǵashqy joldamalary sarapqa salynady. Katarda erler arasynda segiz, áıelder arasynda alty medal jıyntyǵy sarapqa salynady.
Qazaqstan komandasynyń bas bapkeri Aleksandr Kım álemdik synǵa qatysatyn gımnastıka sheberleriniń esimderin atady.
Dúbirli dodaǵa Mılad Karımı, Narıman Kýrbanov, Erbol Jantyqov, Akım Musaev, Іlııas Azızov qatysady. Al qyzdar arasynan el namysyn Ekaterına Chýıkına men Aıda Baýyrjanova qorǵamaq.
Іlııas Azızov, Erbol Jantyqov pen Akım Musaev kópsaıysta baq synasa, Narıman Kýrbanov óziniń oń jambasyna keletin at snarıadynda júldege talasady.
Mılad Karımı qol tirep sekirý, erkin jáne bıik kermedegi jattyǵýda synǵa túsedi.
Eske sala keteıik, atalǵan chempıonat kelesi jyly Germanııanyń Shtýtgart qalasynda ótetin álem birinshiligine irikteý kezeńi sanalady. ıAǵnı, kelesi álem chempıonatyna qatysý úshin bizdiń sportshylar úzdik 24 komandanyń qataryna ený kerek.
Osy álemdik dodada alǵashqy úsh oryndy ıelengen komanda Tokıodaǵy Olımpıada oıyndaryna tikeleı joldama alady. Al qalǵan lıtsenzııalar kelesi jylǵy chempıonatta jáne álem kýbogy kezeńderinde sarapqa salynbaq.
Foto: www.olympic.kz
