«Sporttyq Astana, saý Astana!» aktsııasynda 50 myń adam qatysatyn 50 shara ótedi

Memleket basshysy, - «Salaýatty ómir salty - ult densaýlyǵynyń kilti» bolyp sanalatynyn atap ótti. Qazaqstan Respýblıkasy Prezıdentiniń tapsyrmalary aıasynda mańyzdy mindet qoıyldy - 2020 jylǵa qaraı halyqtyń 30% dene shynyqtyrý men sportqa tartý. Osyǵan baılanysty bir aı boıy elordalyq sport alańdary men saıabaqtarynda túrli buqaralyq sporttyq jarystar uıymdastyryldy, oǵan myńdaǵan qala turǵyny qatysty. Aktsııanyń urany: «Emdelgen emes, aýyrmaǵan adam saý bolady», dep habarlaıdy qala ákimdiginiń resmı saıty.

Deni saý jas urpaqty tárbıeleý, balalardy, jastardy jáne qarııalardy, ıaǵnı barlyq jastaǵy azamattardy sportqa tartý osy aktsııanyń basty mindeti bolyp tabylady. Sol sebepti elordada buqaralyq sportty damytýǵa jaǵdaılar jasalady.

Aktsııa 15 tamyzda bastalyp, 15 qyrkúıekke deıin ótedi. Osy ýaqyttyń ishinde elordalyq sport alańdarynda qyzyqty sporttyq jarystar uıymdastyrylady, oǵan nıet bildirgenderdiń bári de qatysa alady. Mysaly, ár demalys saıyn Astananyń 9 parkinde saǵat 18.00-20.00 aralyǵynda ziltemir, gir kóterýden jarystar, strıtbol, shahmattan saıystar, arqan tartý ulttyq oıyny, sondaı-aq, otbasyǵa arnalǵan «Kóńildi starttar» ótkzildi.

Jarystarǵa 5-6 jastaǵy balalar, ata-analar jáne ata-ájeler qatysty. Kún saıyn 4500 jýyq adam óner kórsetti. Qatysýshylar estelik syılyqtarmen jáne júldelermen marapattaldy.

«Astana - deni saý jáne sportpen shuǵyldanatyn adamdar qalasy» aktsııasy aıasynda «Esil», «Almaty» jáne «Saryarqa» aýdandarynyń óndiristik ujymdary shaǵyn fýtboldan jarysta ózara sheberlik baıqasty. 

Aýla klýbtarynyń arasynda ótken «Kóńildi starttarda» qala turǵyndary tutastaı otbasylarymen qatysty.

Velosport keńinen tanymal bolyp keledi

Elordada velosport keńinen tanymal ekendigin eskere kele, eki buqaralyq jarys uıymdastyryldy: «Ardagerler men áýesqoılar arasynda velosporttan Qazaqstan kýbogynyń II kezeńi» jáne maýntınbaık jarysy.

Qazaqstan kýbogyna astanalyqtardan basqa, almatylyqtar, qaraǵandylyqtar men elimizdiń ózge óńirleriniń de turǵyndary qatysty. Aıta keteıik, jarysta 65 jas jáne odan joǵary sanat ta boldy. Qatysýshylardyń qaýipsiz qozǵalysyn qamtamasyz etý úshin Turan dańǵyly men Qabanbaı batyr dańǵyldary jartylaı jabyldy, jol polıtsııasynyń qyzmetkerleri erip júrdi.

Maýntınbaık jarysynda 10-65 jastaǵy elorda turǵyndary qatysty. Qatysýshylarǵa qoıylǵan jalǵyz talap - shlem men baıktyń bolýy.

Astanalyq sportshylardyń arasynda baıdarkamen eskek esý, stendtik atý, shahmat, toǵyzqumalaq, hokkeı jáne fýtbol, krossfıt, júrdek mánerlep júrgizý jáne t.b. sport túrlerinen chempıonattar ótkizildi.  

Aktsııa aıasynda iri sport keshenderinde Ashyq esik kúnderi ótkizildi. Kez kelgen adam «Dáýlet» SK Ulttyq tennıs ortalyǵynda zamanaýı kortta tegin tennıs oınaý múmkindigine ıe boldy.

«Astana Marafon - 2016»

4 qyrkúıekte ótetin «Astana Marafon - 2016» halyqaralyq qaıyrymdylyq sharasy aktsııa aıasyndaǵy erekshe oqıǵa bolady, oǵan 5 000 astam adam qatysady dep kútilýde.

Qaıyrymdylyq marafonǵa Qazaqstan Respýblıkasy Prezıdenti Ákimshiliginiń basshysy Á. Jaqsybekov, Qazaqstan Respýblıkasynyń Premer-Mınıstri K. Másimov, Qazaqstan Respýblıkasy Úkimetiniń músheleri, Qazaqstan Respýblıkasy Parlamentiniń Senaty men Májilisiniń depýtattary qatysady. Osylaısha memlekettik qaıratkerler ult saýlyǵy, qazaqstandyqtardyń salaýatty ómir saltyn ustanýy memleketimizdiń basym mindeti bolyp tabylatynyn dáleldemek.

Marafonǵa Qazaq Banki, ERG, KazTechInnovations, Astana  Marriott Hotel, KPMG «Samuryq-Qazyna» jáne BI-Group syndy kompanııalar, sondaı-aq, taıaý jáne qıyr shetelden 23 memleketten atletter, elshilikter men halyqaralyq kompanııalardyń qyzmetkerleri qatysady.

Atap aıtqanda, Ulybrıtanııa, Malaızııa, Polsha, Chehııa, Italııa, AQSh, Qyrǵyzstan, Frantsııa, Avstralııa, Germanııa, Iran, Reseı, Irlandııa, Belgııa, Estonııa, Brazılııa, Ózbekstan, Qytaı, Ońtústik Koreıa, Venesýela, Túrkııa, Grekııa, Japonııa elderiniń ókilderi marafonda baǵyn synaıdy.

Elordada marafondy ótkizýge baılanysty saǵat 7:30-14:00 aralyǵynda ortalyq kóshelerde qozǵalys toqtatylady. Elorda turǵyndary men qonaqtaryna ýaqyt únemdep, joldarda daý týǵyzbas úshin óz baǵdarlaryn aldyn ala josparlaýlary kerek. Astana qalasynyń ákimdigi ýaqytsha yńǵaısyzdyqtarǵa túsinistikpen qaraýyńyzdy suraıdy.

Jarystar, týrnırler, chempıonattar

4 qyrkúıekte marafonnan basqa, Astanada 15-ten astam jalpyqalalyq sporttyq shara ótkizý josparlanǵan. Oǵan 7 000 jýyq elorda turǵyny men qonaǵy qatysady dep kútilýde.

Mysaly, «Jeruıyq», «Astanalyq», «Astana Trıatlon» saıabaqtarynda asyq atý, arqan tartý jarystary, sonymen qatar velojarys ótkiziledi. Jarystar 4 qyrkúıekte saǵat 10.00 bastalady, oǵan nıet bildirgenniń bári qatysa alady.

Jaqyn aımaqtardyń jáne elordalyq sportshylardyń arasynda ústel tennısinen, shahmattan, shaǵyn fýtboldan, jeńil atletıkadan, sý polosynan jáneat sportynan týrnırler uıymdastyrylady. Jeńimpazdar baǵaly syılyqtarmen marapattalady.

4 qyrkúıekte «Barys» sport kesheninde elorda turǵyndary men qonaqtaryna arnalǵan Ashyq esik kúni ótedi. Shara aıasynda kez kelgen adam muz aıdynyna shyǵyp, «Barys» HK jetekshi bapkerleriniń sheberlik synyptaryna qatysa alady.

2016 jylǵy 5-15 qyrkúıek aralyǵynda aktsııa aıasynda 2 myńnan astam adam qatysatyn 10 shara ótkizý josparlanǵan.

Salaýatty ómir saltyn nasıhattaý maqsatynda 10 qyrkúıekte № 71 OM «Esil» aýdanynyń mektep muǵalimderiniń arasynda voleıboldan týrnır ótedi.

11 qyrkúıekte «Astana Trıatlon» saıabaǵynda «Otbasylyq Dýatlon» ótedi. Ata-analar men balalar osy jarysqa birge qatysyp, salaýatty ómir saltynyń qajettiligin kórsetpek.

Aktsııa aıasynda velosporttan Qazaqstan Respýblıkasynyń Chempıonaty (4 kúndik toptyq jarys), Ulttyq ulan Bas qolbasshysynyń Kýbogy úshin qoıan-qoltyq urystan, taekvondodan «Koreıa elshiliginiń kýbogy» respýblıkalyq týrnıri ótedi.

2016 jylǵy 7-10 qyrkúıek aralyǵynda «Qazanat» ıppodromy aýmaǵynda «Astana juldyzy» sporttyq jarysynda bas júlde úshin talasady. Atalǵan jobanyń negizgi mindeti - óskeleń urpaqty ulttyq sport túrlerine, salt-dástúrimizge, mádenıet pen turmysqa baýlý. «Astana juldyzy» kókpar, qyz qýý, báıge, aýdaryspaq, teńge alý jáne t.b. ulttyq sport túrlerin damytýǵa baǵyttalǵan. Jobaǵa elimizdiń úzdik sportshylary qatysady.

11 qyrkúıekte Qabanbaı batyr aýylynda at sportyna áýes jandar 51 shaqyrymdyq alaman báıgede «Altyn Tulpar» ataǵy sarapqa salady. Jarys «Qazsport» jáne «Qazaqstan» telearnalarynan tikeleı efırde kórsetiledi.

Jalpy, «Sporttyq Astana, saý Astana!» aktsııasy aıasynda túrli sıpattaǵy 50 shara ótkizilmek, oǵan 50 myńnan astam adam qatysady.