Sporttyq mansabyn aıaqtaǵan Bekzad Nurdáýletov basshylyq qyzmetke keldi

ASTANA. KAZINFORM — Bokstan 2019 jylǵy álem chempıony Bekzad Nurdáýletov sporttyq mansabyn aıaqtap, basshylyq qyzmetke taǵaıyndaldy. Bul jóninde Mańǵystaý oblysynyń dene shynyqtyrý jáne sport basqarmasy málim etti.

Bekzad Jalǵasbaıuly 1998 jylǵy 10 sáýirde dúnıege kelgen. Tanymal bylǵary qolǵap sheberi 2019 jyly álem jáne 2024 jyly Azııa chempıony atandy. 2021 jyly Olımpıada oıyndaryna qatyssa, 2025 jyly álem kýbogynyń ıegeri boldy.

Basqarmanyń habaralýynsha, Bekzad Jalǵasbaıuly Nurdáýletov Mańǵystaý oblysy boks boıynsha olımpıadalyq rezervtiń mamandandyrylǵan balalar men jasóspirimder mektebiniń basshysy qyzmetine taǵaıyndaldy.

Bekzad Nurdáýletov 2015-2019 jyldary Almaty qalasyndaǵy Qazaq sport jáne týrızm akademııasynda «Dene shynyqtyrý jáne sport» mamandyǵy boıynsha bilim alyp, joǵary oqý ornyn támamdady. 2021 jyldyń qyrkúıek aıynan bastap Kaspıı tehnologııalar jáne ınjınırıng ýnıversıtetinde (Yessenov University) «Quqyqtaný» mamandyǵy boıynsha bakalavr dárejesin aldy.

Eńbek jolyn «Mańǵystaý boks klýby» JShS bokstan nusqaýshy-sportshy retinde bastaǵan.