Sporttyq mansabym týraly naqty sheshim qabyldamadym – ıÝlııa Galysheva
LIVINO. KAZINFORM – 2018 jylǵy Phenchhan (Ońtústik Koreıa) qysqy Olımpıada oıyndarynyń qola júldegeri ıÝlııa Galysheva Italııada ótip jatqan XXV qysqy Olımpıada oıyndaryndaǵy jarys jolyn aıaqtady.
Otandasymyz bul Olımpıadada frıstaıl-mogýldan jekeleı synda 14-oryn, al parallel mogýlda 1/8 fınalda óner kórsetti.
ıÝlııa Galysheva jarystan keıin Kazinform tilshisine eksklıýzıvti suhbat berip, aldaǵy sporttyq mansaby týraly aıtty.
– Shynymdy aıtsam, endi meniń josparymda Olımpıada oıyndary joq. Alaıda áli bolashaǵym týraly naqty sheshim qabyldamadym. Sport salasynda qalamyn dep oılaımyn, - dedi sportshy.
Ol sonymen qatar bolashaqta jattyqtyrýshy bolý múmkindigi týraly aıtty.
– Jattyqtyrýshy bolý týraly eshqashan oılaǵan emespin, - dep qysqa qaıyrdy Galysheva.
Aıta keteıik, búgin 16 qazaqstandyq sportshy 7 sport túrinen jarys jolyna shyǵady.
Osyǵan deıin habarlaǵanymyzdaı, frıstaıl-mogýldan Qazaqstan qyzdar quramasy Italııada ótip jatqan XXV qysqy Olımpıada oıyndarynyń fınaldyq kezeńinde óner kórsetti.