Sporttyq quzǵa órmeleýshi Ámir Maımuratov álem chempıonatynyń 1/8 fınalyna ótti

ASTANA. KAZINFORM – Qazaqstandyq sporttyq quzǵa órmeleýshi Ámir Maımuratov Seýlde (Ońtústik Koreıa) ótip jatqan álem chempıonatynyń irikteý kezeńinen sátti ótti.

Parıj-2024 Olımpıadasynyń qatysýshysy «jyldamdyq» baǵdarlamasynda 1/8 fınalǵa joldama aldy.

QR UOK málimetinshe, irikteý kezeńinde Maımuratov 15-orynǵa turaqtady. Pleı-offqa 16 sportshy ótken bolatyn.

Rıshat Haıbýllın 23-oryn aldy, Beknur Altynbekov – 26-oryn, Jandos Qalıbaı – 30-oryn, al Damır Toqtarov – 50-oryn ıelendi.

Júldeler 25 qyrkúıekte sarapqa salynady.

Aıta keteıik, 2028 jyly Los-Andjeleste (AQSh) ótetin Olımpıada oıyndaryna daıyndalý maqsatynda Halyqaralyq Olımpıada komıtetiniń (HOK) jekeleı stıpendııasyn alǵan qazaqstandyq sportshylardyń esimi belgili boldy.