Sporttyq quzǵa órmeleýden Azııa oıyndaryna elimizden 4 sportshy qatysady
ASTANA. KAZINFORM - Sporttyq quzǵa órmeleýden Aıchı-Nagoıadaǵy (Japonııa) Azııa oıyndarynda el namysyn qorǵaıtyn qazaqstandyq sportshylar anyqtaldy, dep habarlaıdy QR Ulttyq olımpıada komıteti.
Tórtjyldyqtyń basty dodasynda Qazaqstan atynan Ámir Maımuratov, Tamara Ýljabaeva, Damır Toqtarov, Adelııa Ýtesheva óner kórsetedi.
Otandastarymyzdyń barlyǵy «jyldamdyq» sanatynda synǵa túsedi.
Aıta keteıik, Azııa oıyndarynda sporttyq quzǵa órmeleý básekeleri 29 qyrkúıekte bastalady.
Osyǵan deıin sporttyq quzǵa órmeleýden Qytaıda ótetin Álem kýbogyna elimizden kimder baratynyn jazdyq.
