Sporttyq quzǵa órmeleý: Qytaıda ótetin Álem kýbogyna elimizden kimder barady
ASTANA. KAZINFORM - Qazaqstan sporttyq quzǵa órmeleýden Qytaıdyń Chýntsın qalasynda ótetin Álem kýbogynyń kezekti kezeńinde baq synaıdy, dep habarlaıdy Ulttyq olımpıada komıteti.
Jarys 18-20 qyrkúıek aralyǵynda ótedi. Qazaqstan atynan dodaǵa bes sportshy qatysady.
Erler arasyndaǵy «jyldamdyq» saıysynda Álıhan Tatambaı, Rashıd Haıbýllın jáne Rıshat Haıbýllın óner kórsetedi. Áıelder arasynda Arına Novıtskaıa men Anna Balarshına el namysyn qorǵaıdy.
Aıta keteıik, qazaqstandyq sportshylar estafetalyq saıystarǵa da qatysady. Erler estafetasynda el atynan Rashıd Haıbýllın men Rıshat Haıbýllın shyǵady. Áıelder estafetasynda Anna Balarshına men Arına Novıtskaıa óner kórsetedi.
Al aralas estafetada Qazaqstan quramasynyń sapynda Álıhan Tatambaı men Arına Novıtskaıa baq synaıdy.
Osyǵan deıin elimizdiń qazirgi bessaıystan Qytaıdaǵy álem chempıonatyn aıaqtaǵany týraly jzadyq.
