Sporttyq gımnastıkadan Rotterdamdaǵy álem chempıonatynda el namysyn kimder qorǵaıdy
ASTANA. KAZINFORM — 17-25 qazan aralyǵynda Nıderlandtyń Rotterdam qalasyndaǵy Rotterdam Ahoy arenasynda sporttyq gımnastıkadan 54-shi álem chempıonaty ótedi.
Atalǵan keshende álem birinshiligi 2010 jyly da uıymdastyrylǵan.
Álemdik dodada Qazaqstan namysyn qorǵaıtyn ulttyq qurama sapyna alty gımnast endi:
1. Narıman Qurbanov
2. Mılad Karımı
3. Dmıtrıı Patanın
4. Ilıas Azızov
5. Nurlan Ydyrysov
6. Roman Hegaı
Maýsymnyń basty dodalarynyń biri sanalatyn chempıonatta 14 medal jıyntyǵy sarapqa salynady. Sonymen qatar, básekede 2028 jyly Los-Andjeleste ótetin Olımpıada oıyndaryna arnalǵan alǵashqy komandalyq joldamalar oınatylady.
Halyqaralyq gımnastıka federatsııasy men Halyqaralyq Olımpıada komıtetiniń irikteý júıesine sáıkes, kópsaıysta komandalyq fınalǵa shyqqan erler men áıelder arasyndaǵy úzdik úsh qurama bes sportshydan turatyn komandasymen 2028 jylǵy Los-Andjeles Olımpıadasyna qatysý múmkindigine ıe bolady. Qalǵan toǵyz komandalyq kvotanyń ıegerleri 2027 jyly Qytaıda ótetin álem chempıonatynda belgili bolady.
Aıta ketelik Qazaqstan dzıýdodan álem chempıonatyn bir medalmen aıaqtaǵan edi.
