Sporttyq gımnastıkadan Qazaqstan quramasy Azııa chempıonatyna qatysady
ASTANA. KAZINFORM — Sporttyq gımnastıkadan erler arasyndaǵy Azııa chempıonaty bıyl 5-8 maýsym aralyǵynda Ońtústik Koreıanyń Chechhon qalasynda ótedi.
Qurlyqtyq dodaǵa Qazaqstan quramasy tájirıbeli sportshylardy alyp bardy. Oǵan Ońtústik Koreıa, Ózbekstan, Taıbeı jáne basqa elderden myqty gımnastshylar keledi.
Ulttyq qurama jaqynda ótken el chempıonatynda joǵary nátıje kórsetken sportshylardan jasaqtalǵan. Olardyń qatarynda 2024 jylǵy Parıj Olımpıadasynyń kúmis júldegeri, birneshe márte Azııa chempıony jáne júldegeri Narıman Qurbanov, 2023 jylǵy álem chempıonatynyń qola júldegeri, Azııa chempıony Mılad Karımı jáne Іlııas Ázizov, Dmıtrıı Patanın, Álisher Toıbazarov bar.
Sondaı-aq jasóspirimder quramasynda Roman Mamedov, Nurtan Ydyrysov, Roman Hegaı, Artem Kovalev, Vladıslav Babýshkın, Andreı Terman jáne Dosjan Ómirserik el namysyn qorǵaıdy.
Eske salsaq, budan buryn Narıman Qurbanov sporttyq gımnastıkadan Dohada (Qatar) ótken Álem kýbogynyń kezeńinde qola júldege ıe boldy.