Sporttyq gımnastıkadan Azııa chempıonatynda Kýrbanov altyn, Karımı kúmis júlde aldy

TAShKENT. KAZINFORM – Ózbekstan astanasy Tashkentte ótip jatqan sporttyq gımnastıkadan Azııa birinshiliginde qazaqstandyq Narıman Kýrbanov chempıon atandy. 

Gımnastıkalyq at snarıadynda Kýrbanovqa úzdik nátıje kórsetti. Ol atalǵan jattyǵýda 15.600 upaı jınap, altyn júldege ıe boldy. 

Bul jarysta ekinshi oryndy ózbekstandyq Abdýlla Azımov aldy. Ol 14.633 upaıymen kúmis júldeni qanaǵat tutty. Al, úzdik úshtikke ıordanııalyq Ábý ál-Saýd Ahmad qol jetkizdi. 

Taǵy bir otandasymyz Mılad Karımı bolsa, erkin jattyǵýda úzdikter arasynan tabylyp, kúmis júldeger atandy. Bul onyń Tashkenttegi ekinshi kúmisi ekenin aıta ketken jón. Buǵan deıin Mılad kópsaıysta úzdikter qatarynan kóringen edi.