Sporttyq gımnastıkadan Azııa chempıonatynda Qazaqstan namysyn kimder qorǵaıdy
ASTANA.KAZINFORM -Sporttyq gımnastıkadan Qazaqstan erler quramasynyń bapkerler shtaby Qytaıdyń Tszýnı qalasynda ótetin Azııa chempıonatyna qatysatyn quramdy jarııalady.
QR UOK málimetinshe, qurlyq birinshiliginde el namysyn myna sportshylar qorǵaıdy:
- Mılad Karımı (erkin jattyǵýlar, qol tirep sekirý, at snarıadynda jáne kermedegi jattyǵýlar)
- Ilıas Azızov (kópsaıys)
- Dmıtrıı Patanın (erkin jattyǵýlar, qol tirep sekirý, saqınalardaǵy jattyǵýlar, qossyryq jáne kerme)
- Roman Hegaı (kópsaıys)
- Dııas Toıshybek (at snarıadyndaǵy jattyǵýlar, qossyryq jáne kerme)
- Nýrtan Idrısov (kópsaıys)
Qazir gımnastar aldaǵy Azııa chempıonatyna daıyndyqtyń sońǵy kezeńinde. Beıjińdegi (Qytaı) oqý-jattyǵý jıyny barysynda qazaqstandyq sportshylar Qytaı ulttyq quramasymen birge daıyndalyp jatyr.
Aıta keteıik, aldaǵy Azııa chempıonaty 2026 jyly ótetin Azııa oıyndary men álem chempıonatyna irikteý jarysy bolyp sanalady. Joldamalar komandalyq jarystardyń qorytyndysy boıynsha sarapqa salynady. Osyǵan baılanysty bapkerler shtaby quramdy jasaqtaý kezinde birneshe snarıadta óner kórsete alatyn gımnastarǵa basymdyq berdi. Sol sebepti jekeleı snarıadtarǵa mamandanǵan sportshylar tizimge engizilgen joq.
Sonymen qatar Qazaqstan quramasynyń Azııa oıyndaryna qatysatyn naqty quramy qurlyq birinshiligi aıaqtalǵannan keıin belgili bolady.
Azııa chempıonaty 18-21 maýsym aralyǵynda ótedi.
Aıta keteıik, Shveıtsarııanyń Tsıýrıh qalasynda Halyqaralyq hokkeı federatsııasynyń kongresinde 2027 jylǵy elıtalyq jáne ózge dıvızıondarda álem chempıonatyn ótkizetin elder men ýaqyty belgili boldy.
