Sporttyq gımnastıkadan Azııa chempıonatyna qatysatyn qazaqstandyq sportshylar anyqtaldy
ASTANA. KAZINFORM - Ózbekstan astanasy Tashkent qalasynda ótetin sporttyq gımnastıkadan Azııa chempıonatyna qatysatyn qazaqstandyq sportshylar belgili boldy.
Qurlyqtyq doda 16-27 mamyr kúnderi jalaýyn kóteredi. Onda Olımpıadanyń sońǵy joldamasy sarapqa salynady.
Sporttyq gımnastıkadan el quramasynyń bas bapkeri Aleksandr Kımniń aıtýynsha, qazaqstandyq sportshylar Azııa chempıonatyna tolyq daıyn. Jarysqa 2024 jylǵy Parıj Olımpıadasyna joldama alǵan Mılad Karımı men Narıman Kýrbanov ta qatysady. Odan bólek, kópsaıystan Farýh Nabıev, Dıas Toıshybek, Dmıtrıı Patanın, Іlııas Azızovterge senim artylady.
Basty qarsylastar – Soltústik Koreıa, Ózbekstan, Vetnam jáne Qytaılyq Taıpeıden keletin kópsaıysshylar.
Aıta ketsek, el quramasy qorjynynda Parıj Olımpıadasyna berilgen 51 joldama bar.