Sporttyq gımnastıkadan álem kýbogynda qazaqstandyq úsh sportshy fınalǵa shyqty

ASTANA. KAZINFORM - Horvatııanyń Osıek qalasynda ótip jatqan sporttyq gımnastıkadan álem kýbogynda qazaqstandyq úsh gımnast fınalǵa joldama aldy.

Ulttyq qurama kóshbasshysy, Parıj Olımpıadasynyń kúmis júldegeri Narıman Kýrbanov álem kýbogynda eshkimge des berer emes. Tutqaly at snarıadynda saıysynda 14.566 upaı jınaǵan ol kósh basynda keledi. El quramasynan Zeınolla Ydyrysov altynshy orynǵa (14.300 ball) taban tirep, júldege talasýǵa múmkindik aldy.

Sondaı-aq el quramasynan erkin jattyǵý boıynsha Mılad Karımı Osıekte 13.866 ball alyp, saıysty ekinshi orynmen aıaqtady. Endi 2023 jylǵy álem chempıonatynyń qola júldegeri aqtyq synda jarys jolyna shyǵady.

Aıta ketsek, búgin, 11 sáýirde de irikteý ótedi. Sodan keıingi 2 kúnge fınal josparlanǵan.

Álem kýbogyna 35 eldiń sportshylary qatysyp jatyr. Bul - rekordtyq kórsetkish. Halyqaralyq gımnastıka federatsııasy jarystyń bedeli men sporttyq gımnastıkanyń álemdegi mańyzdy ekenin atap ótti.

Osıekte Olımpıada toǵyz júldegeri bas qosty. Olardyń qatarynda ızraıldik Artem Dolgopıat, grekııalyq Elefterıos Petrýnıas bar.

Eske salsaq, budan buryn Ázerbaıjan astanasy Baký qalasynda ótip jatqan sporttyq gımnastıkadan álem kýbogynda Dmıtrıı Patanın ekinshi oryn aldy.