Sporttyq gımnastıkadan ÁCh: Qazaqstan 26 jyldan soń medal aldy
Mılad Karımı Belgııanyń Antverpen qalasynda ótip jatqan sporttyq gımnastıkadan álem chempıonatynda qola medal jeńip aldy, dep habarlaıdy QazAqparat tilshisi.
Dúbirli dodada Mılad Karımı erkin jattyǵýdyń fınalynda 14.600 upaı jınap, úzdik úshtikti túıindedi. Altyn Artem Dolgopıattyń (Izraıl), kúmis Kazýkı Mınamıdyń (Japonııa) enshisine buıyrdy.
Qazaqstandyq gımnastshylar 1997 jyldan beri álem chempıonatynda júldege qol jetkizip kórmegen edi. Sol jyly Sergeı Fedorchenko Shveıtsarııanyń Lozanna qalasynda baǵanadan sekirýden chempıon atanǵan bolatyn.
Eske salsaq, Qytaıdyń Chendý qalasynda ótip jatqan HHHІ Jazǵy ýnıversıadada sporttyq gımnastıkadan Mılad Karımı chempıon atandy.
Qazaqstandyq atlet kermedegi saıystyń fınaldyq satysynda birinshi oryn aldy. Kórsetkishi - 14,800.
