Sporttyq gımnastıka: Qazaqstan jasóspirimder quramasy Azııa chempıonatynda júldege ilikti
ASTANA. KAZINFORM — Ońtústik Koreıanyń Chechhon qalasynda sporttyq gımnastıkadan ótip jatqan Azııa chempıonatynda Qazaqstan jasóspirimder quramasy qola medal jeńip aldy.
Qazaqstan gımnastıka federatsııasynyń baspasóz qyzmetinen málim etkenindeı, ulttyq qurama komandalyq kópsaıysta úshinshi orynǵa kóterildi.
Júldege qol jetkizgen sportshylar: Nurtań Ydyrysov, Roman Hegaı, Artem Kovalev, Vladıslav Babýshkın, Andreı Terman jáne Ómirserik Dosjan.
Japonııa gımnasshylary eshkimge des bermese, Ońtústik Koreıa quramasy ekinshi orynǵa ıe boldy.
Buǵan deıin Qazaqstan eresekter quramasy da Azııa chempıonatynda komandalyq kópsaıysta úshinshi oryndy enshilegen bolatyn.
Eske sala keteıik, budan buryn sporttyq gımnastıkadan Azııa chempıonatynda Qazaqstan quramasy qola júldeger atanǵanyn jazǵan bolatynbyz.
