Sporttyq gımnastıka: Azııa chempıonatynda Qazaqstan quramasy qola júldeger atandy
ASTANA. KAZINFORM — Ońtústik Koreıanyń Chechhon qalasynda sporttyq gımnastıkadan ótip jatqan Azııa chempıonatynda Qazaqstan qorjynyna alǵashqy medal tústi.
Qazaqstan gımnastıka federatsııasynyń baspasóz qyzmetinen málim etkenindeı, elimizdiń erler quramasy qola júldege qol jetkizdi.
Qazaqstandyq gımnastar komandalyq kópsaıysta úzdik úshtikke ilikti.
El namysyn Narıman Qurbanov, Mılad Karımı, Dmıtrıı Patanın, Roman Mamenov, Іlııas Ázizov jáne Álisher Toıbazarov qorǵady. Olar 240.301 upaı jınady.
Japonııa quramasy 253.002 upaımen chempıon atandy. Al ekinshi orynǵa Qytaı quramasy (248.265 upaı) kóterildi.
Sporttyq gımnastıkadan Azııa chempıonaty 8 maýsymda máresine jetpek.
Eske sala keteıik, budan buryn sporttyq gımnastıkadan Azııa chempıonatynda Qazaqstannan kimder óner kórsetetinin jazǵan bolatynbyz.