Sporttyq gımnastıka: Álem kýbogynyń sheshýshi kezeńine kimder barady

ASTANA. KAZINFORM – Erteń, 17 sáýir kúni Qatar astanasy Dohada sporttyq gımnastıkadan álem kýboginiń sheshýshi kezeńi ótedi. Onda jarys qorytyndysy boıynsha Olımpıadaǵa joldama alǵan sportshylar anyqtalady.

QR Ulttyq olımpıadalyq komıteti málim etkendeı, lıtsenzııaǵa talasatyn gımnastar qatarynda qazaqstandyq Narıman Kýrbanov ta bar.

«Aldaǵy álem kýbogi kezeńinde álemdegi eń myqty gımnastar jınalmaq. Al úzdikter qataryna Qazaqstan namysyn qorǵaıtyn Narıman Kýrbanov ta kiredi. Ol gımnastıkalyq at snarıadynan Olımpıada joldamasyn alý úshin bar kúshin salmaq. Kýrbanov qazir Parıj Olımpıadasyna bir qadam jaqyn qaldy. Narımanǵa bar bolǵany ózinen jeńilmeý qajet. Ózi kórsetken úzdik nátıjelerdi basty baǵdar qyp ustaýy tıis. Eger ol óziniń jarys baǵdarlamasyn oryndap, úzdik úshtikke ense, lıtsenzııa – qolda. Narımannyń áleýeti álemdik deńgeıde óner kórsetýge jetetinin de umytpańyz», - dep jazylǵan habarlamada.

Dohada Qazaqstan komandasy úzdikteriniń biri Mılad Karımı de synǵa túsedi. Ol Olımpıada oıyndaryna byltyr joldama alyp qoıǵan. Qazirgi tańda ol Parıj dodasyna alańsyz daıyndalyp jatyr.

Dohadaǵy álem kýbogi kezeńine qatysatyn Qazaqstan quramasy:

- Mılad Karımı;

- Dmıtrıı Patanın;

- Dıas Toıshybek;

- Narıman Kýrbanov;

- Aıda Baýyrjanova;

- Darıa ıAsınskaıa.

Týrnır 17-20 sáýir aralyǵynda ótedi.